SETI@home HARDCORE

Забрзајте го вашиот SETI@home клиент програм

Како резултат на публикувањето на претходните два текста за преоектот SETI@home во PLUGIN, www.macedonia.eu.org на www.ajvar.com и на www.oglasi.com.mk пласманот на Македонија на листата на држави се поправи за околу триесет места (во моментов на пишување на оваа статија се наоѓаме на 96-то место), а бројот на учесници во проектот се зголеми за повеќе од два пати. 

Овoj текст претставува помош на сите SETI@home фанатици да го забрзаат што е можно повеќе својот SETI@home клиент, а исто така и можност за запознавање на уште повеќе луѓе од земјава со проектот SETI@home кои би можеле да станата нови потенцијални членови на Македноскиот SETI@home тим.

За оние кои до сега не биле запознати со овој светски проект за потрага по вонземски цивилизации топло им препорачуваме најпорво да ја прочитаат оваа статија. 

SETI@home клиент програмаот е дизајниран, не за да ги користи до максимум ресурсите на вашиот компјутер, туку да ја користи процесорската снага која во текот на секојдневната работа на компјутерот останува неискористена од страна на останатите програми. 

Програмот по default e конфигуриран за да работи што е можно понеприметно, но со неколку мали промени можете ефективно да ја зголемите неговата брзина и до три пати, а тоа се уште да не влијае на нормалната работа на вашиот компјутер. 

Исцртувањето на екранот одзема многу процесорско време 

Тестирањата покажле дека повеќе време компјутерот троши на исцртување на графиците на екранот одошто на самата анализа. Можете значително да ја зголемите брзината со скратување на времето на прикажување на графиците на екранот. Постојат неколку начини на кој тоа може да се направи. Ако користите графичка верзија на програмот (односно вашот оперативен систем е Win 85/98/ME) како screen saver, по default графиците се исцртуваат на екранот. Пресметките значително може да се забрзаат доколку исцртувањето се избегне. Тоа, инаку, може да го сторите на следниов начин: Во Control Panel, Display Property го избирате Screen Saver tab-от. Проверете дали SETI@home е избраниот screen saver и потоа кликнете на Settings копчето (Слика 1). Во dialog box-от кој ќе се отвори одберете 'Go to blank screen' (Слика 2). Потоа во 'Minutes until blank' запишете после колку минути сакате да престане прикажувањето на исцртувањето на графиците на екранот. Со внесување на нула екранот се заменува веднаш по вклучувањето на screen saver-от. 

Screen saver-от може да работи и додека на компјутерот нормално ја работите вашата секојдневна работа. На таков начин се искористуваат слободните ресурси на компјутерот и неискористената процесорска снага. За да не почувствувате забавување во работата на вашиот компјутер потребно е да имате процесор на 300 MHz или повеќе со најмалку 64 Mb RAM. Кај послабите конфигурации од препорачанава се чувствува значително забавување во работата на компјутерот (дури и кај 300 MHz со 32 Mb RAM). 

Конфигурирајте го програмот самостојно да ги испраќа и прима податоците 

Секогаш кога програмот ќе ги заврши пресметките потребно е да се поврзе со Berkeley да ги испрати резултатите и да земе нови податоци за анализа. Програмот е способен самостојно да се поврзе на Интернет преку модем, да го изврши преносот на податоци и самиот да ја прекине модемската врска. Ова овозможува резултатите да бидат испратена веднаш по нивната обработка, не чекајќи вие да го забележите тоа (иконата на програмот, во system tray-от почнува да трепка кога е потребно да се поврзе, а не е во можност тоа независно да го прави). Ако ја одберете оваа опција, претходно проверите дали модемот е конфигуриран да се исклучи автоматски (Start - Settings - Control Pannel - Modem - Properties). Оваа oпција најзгодно е да се корисити кај компјутери кои се поврзани во локални мрежи. За домашна употреба не е препорачливо да се користи доколку претходно не сте провериле навистина врската автоматски се искулучува (совет: ако се решите на ова проверете неколку пати) 

Употребувајте ја најновата верзија на прогрмот

Програмот се менува со текот на времето, баговите се коригираат, алгоритамот се подобрува и нови опции се додаваат. Подигнете ја најновата верзија на програмот од Berkeley (http://setiathome.ssl.berkeley.edu/download.html).  Употребувајте програми само од Berkeley  Можно е да се напише програм кој математичката анализа на податоците ќе ја врши побрзо од официјалниот програм. За тоа е дискутирано на големо во дискусионите групи посветени на SETI@home. Berkeley употребува проверени математички рутини за Футиеови трансформации кои се добро познати и проверени во светот на математиката и програмирањето, но тоа не се и најбрзинте можни. 

Проверувајте ја работата на програмот

Иако програмот е создадена да работи независно од корисникот, тоа не е секогаш случај. Понекогаш можно е да престане со работа и во неможност да се справи ве известува со порака во message box. Доколку работите нешто друго пораката може да се наоѓа под другите отворени прозорци, а вашите пресметки ќе бидат прекинати се додека не ја видите пораката или, пак, не го ресетувате компјутерот. Всушност ви препорачуваме повремено да ја проверувате работата на програмот со негово подигнување од system tray-от. 

Проверете ги програмите кои како SETI@home работат во "позадина" 

Можно е останатите програми кои ги имате инсталирано да работат, како и SETI@home во позадина, но тоа не е случај секогаш. Повеќето од програмите работат како нормални апликации. Кој од, во позадина активните, програми ќе ги исклучите зависи од вашата потреба од нив и од вашата проценка. Microsoft Office обично го инсталира Find Fast. Овој програм работи постојано индексирајќи ги фајловите кои се во употреба, претставува помош за Find алатката и одзема многу од неискористената процесорска моќ потребна и за рабората на SETI@home програмот. Ако стандардната Find алатка е доволна за вас со отстранувањето на Find Fast ќе го забрзате SETI@home. Некои од овие програми се наоѓаат во StartUp фолдерот - може да проверите што сe има таму и евентуално да ја измените неговата содржина. 

Соодветно конфигурирајте ги вашите power saving settings 

Програмот, секако, не може да работи доколку компјутерот е исклучен. Windows-от, обично, ги исклучува некој од компонентите на компјутерот, доколку тој извесно време не се користи активно. Работата на мониторот нема влијание не брзината на работа на SETI@home. Неговото исклучување значи заштеда на електрична енергија и претставува потенцијално продолжување на работниот век на мониторот. Проверете дали вашиот хард диск е конфигуриран автоматски да се исклучува. Програмот има потреба секоја минута да ги запишува меѓурезултатите од својата работа. Постојаното вклучување и исклучување на хард дискот ја забавува работата на програмот, а исто така не е добро ниту за хард дискот. Исклучете ја можноста вашиот компјутер да премине во sleep mode. Ова во потполност ја прекинува работата на програмот. Кај многу компјутери постои опцијата standby mode, ова во основа е исто само контролирано од Windows. 

Ресетирајте го вашиот компјутер на неколку дена

Windows-ите се познати по нивното забавување ако работат неколку дена едно по друго. Тоа е поради различните апликации кои користат ресурсите во текот на својата работа, но на крај не ги "враќаат назад" на оперативниот систем. Повремено ресетирање ќе ги доведе работите на место. 

Размислете за употреба на дополнителни програми 

Постојат повеќе корисни и интересни програми кои овозможуваат да биде надгледувана работата на SETI@home. Нив може да ги најдете, на пример овде. 

Ако од сево ова не ви е доста 

Финтите кои ги спомнавме погоре во овој текст ќе ве доведат близу до максимумот на перформансите на вашиот SETI@home програм, но секако некој од нас не се задоволни само со 90 % од максималната можна брзина. Сакате да видите до каде се може? Проблемот овде е што некој од постапките може да драматично влијаат употребливоста на компјутерот. Значи, следниве неколку совети не се за нормални корисници, туку за SETI@home фанатици. 

Променете го Windows-от со Linux. Тестовите покажуваат дека машините кои работат под Linux имаат перформанси за околу 25 % подобри од компјутерите заробени во Windows-ите на чичко Bill. 

Отстранете ги процесите кои во Windows-от се одвиваат во позадина. Ги има повеќе, иконите за некои од нив се наоѓаат во system tray-от. Навистина ќе изгубите дел од функционалноста, но вашиот SETI@home ќе забрза за некој процент. Листата на овие процеси може да ја добиете со истовремено притискање на Ctrl-Alt-Del. Отстранувањето на некои од овие процеси може да биде без проблеми, но сепак внимавајте.  Сменете ја резолуцијата и бројот на бои кои се прикажуваат на екранот. Обично најдобро решение е 800 х 600 со 256 бои, но овде зголемувањето на перформансите зависи и од графичката картичка која ја поседувате.  Оставете ја машината на мира. Употребата на компјутерот влијае на времетраењето на пресметките. Некои велат дека за секој час користење на компјутерот, пресметките се продолжуваат за околу половина час.  Употребувајте ја command line верзијата на клиент програмот (дизајнирана за NT), на таков начин ќе ги забрзате пресметките за 5 до 10 %.  Употребувајте Win NT, наместо Win 9x. Win NT, е поефикасен во користењето на можностите на процесорот и значително е побрз од Win 9х.  Конфигурирајте ја вашата машина да не преминува во sleep mode.  Постојат и други можности за забрзување на SETI@home, но сега за сега за тоа ќе треба да пребарате на сами на Интернет.

Moonman

Старите текстови може да ги најдете на:

Plugin бр. 6 

http://www.macedonia.eu.org/knowledge/dokument.asp?ID=52  

http://www.ajvar.com/nauka/seti.asp

http://www.hemija.net/SETI/index.htm

  Moonman