Новости

Брзата храна и нејзините пченкарни корени - Едно неодамна направено испитување покажува дека поголемиот дел од брзата храна која се приготвува во САД е добиена од добиток кој е хранет претежно со пченка, но и при самото приготвување на храната многу често се користи пченкарно масло. Со анализа на односот на некои изотопи во брзата храна во рестораните на погоемите производители, овие научници успеале да утврдат не само дека говедата и живината во голема мерка се хранат со пченка, туку и дека при производството на пченката во голема мерка се користени вештачки ѓубрива.

Минијатурни ранци за клетките - Научниците Michael F. Rubner, Darrell J. Irvine и Robert E. Cohen од Massachusetts Institute of Technology успеале на да прикачат на клетка од имунолошкиот систем терет кој не го нарушува нејзиното правилно функционирање. Овие научници сметаа дека вакви системи во иднина би можело да се користат за доставување на лекови до целните органи.

Рекордно високи перформанси на соларните ќелии - Истражувачите од Кина и Швајцарија успеале да конструираат нов тип на соларни ќелии за кој тие сметаат дека ќе може да го направи сонцето главен извор на енергија во иднина. Новите фотоволтаични ќелии кои се нарекуваат Gr?tzel ќелии во голема мерка ќе ја зголемат употребата на соларните ќелии во домовите, како и за други практични примени велат нивните творци.

Магнетно решение за лепливиот проблем - Белгиските научници успеале да откријат нова метода со која може да ги оневозможат наночестичките да формираат поголеми агрегати од честички. Johan Martens од Catholic University во Leuven вели дека решението за спречување на агрегацијата на наночестичките лежи во примената на магнетно поле.

Биодизел од печурки - Научниците предводени Gary Strobel од Montana State University откриле дека еден вид печурки може да ја претвораат целулозата директно во биогориво. Ова откритие би можело да претставува нов начин за добивање на биогорива. Освен ова, ова откритие би можело да ги разниша теориите за настанокот на нафтата.

Топли раце - топло срце - Држењето на топла шолја со кафе или чај во текот на поладните денови ќе ви ги загрее рацете, но исто така и вашето срце. Два експерименти изведени од научници од University of Toronto од Канада и пред извесно време пренесени во списанието Science укажуваат на тоа дека чувството на физичка топлина им помага на луѓето полесно да ги прифаќаат другите и да се однесуваат повеликодушно. (За пристап пoтребно е да се регистрирате)

Зошто жените имаат порасипливи заби? - Старото мислење дека со секое донесено дете на овој свет жената губи по еден заб сега би можело да се каже дека е и научно докажано. Новите испитувања покажуваат дека откако луѓето го напуштиле номадскиот начин на живот, пред околу 10.000 години, со оглед на тоа што занимавањето со земјоделие овозможило поголема плодност на жените. Во истиот период се забележува и поголема разлика во здравоста на забите кај мажите и жените. Ова е предизвикано од промената во хормоните и плунката кои предизвикуваат полесно расипување на забите. (За пристап пoтребно е да се регистрирате)

Забрана за употреба на бифенол-А - Бифенолот-А се користи во голема мерка при производството на пластика базирана на епоксиди. Овој тип на пластика служи за пакување на прехранбени производи. Бифенолот-А може да го имитира дејството на женскиот хормон естроген, па затоа може да предизвика оштетување на репродуктивните органи. Со оглед на ова неодамна две владини агенции од Канада започнаа акција за забрана на оваа супстанца. Забраната за користење на оваа сустанца ќе стапи во сила во текот на 2009 година.

Контрола на активноста на протеин со користење на светлина - Група на истражувачи од Penn State и од University of Texas успеале да ја контролираат каталитичката активност на протеини кои се одговорни за одредени биохемиски процеси. Истражувачите сметаат дека важноста на ова откритие е во тоа што еден ден на сличен начин би можело да се влијае на активноста на протеини кои се одговорни за предизвикување на некои болести.

Пестициди во мајчиното млеко - Дванаестте отпорни органски полутанти (ООП) дефинирани според Стокхолмската конвенција претставуваат хлорирани супстанци кои во животната средина може да опстанат многу долго откако нивното производство ќе престане. Една студија неодамна направена во Кина покажува дека кај една третина испитаните жени кои биле на породилно отсуство во колострумот најдени се хлорирани ООП. Овие супстанците предизвикуваат извесни форми на рак, дефекти кај новороденчињата, дисфункционален имунолошки и репродуктивен систем, поголема подложност на болести и намалена интелигенција. (За пристап пoтребно е да се регистрирате)

Хемијата во борба за поздрави пици! - Хемичарите покажале дека со мали измени во рецептот пицата може да стане многу поздрава за консумирање! Измените кои се предлагаат се состојат од користење на интегрално брашно. Научниците велат дека доколку пицата се пече на повисока температура количеството на антиоксиданси се зголемува за 82%. Од друга страна, пак, концентрацијата на овие соединенија се зголемува за 60% доколку печењето трае двапати подолго. Исто така, количеството на антиоксиданси во пицата може да се зголеми за два пати доколку тестото се остави да кисне еден ден.

Лек за супербактериите - Супстанци кои се најдени во канабисот би можеле да се користат во борба против потенцијално смртоносни бактерии, како што се на пример бактериите кои се отпорни на антибиотици, велат истражувачите од Италија и Велика Британија. Екстрактите добиени од Cannabis sativa (L. Cannabinaceae) може да се користат и како замена за ситетичките антибактериски супстанци кои се користат во средствата за лична хигиена и во козметичките производи. (За пристап пoтребно е да се регистрирате)

Квантен скок за хемиските сензори - Со прикачување на едноставни органски рецептори на површината на квантни точки - кои исто така се познати и како полупроводнички наночестички - John Callan и соработниците од Robert Gordon University, Aberdeen, Велика Британија, успеале да развијат сензор кој истовремено може да детектира бакар и железо во вода. Интересен аспект од оваа работа е што самиот рецептор не покажува никаква селективност во однос на овие два метални јони, но поврзан на квантна точка покажува двојна селективност во однос на овие метали, велат истражувачите.

Нобеловата на града за хемија за 2008 г. за откритието на зелениот флуоресцентен протеин - Овогодинешната Нобелова награда за хемија ја добија Osamu Shimomura, Martin Chalfie, and Roger Y. Tsien за откритието и развојот на зелениот флуоресцентен протеин (ЗФП). Овој протеин и неговите мутирани верзии претставуваат моќна алатка обележување и следење на однесувањето на други протеини во клетките. ЗФП е исто толку значаен како и откривањето на микроскопот, вели Marc Zimmer, професор по хемија на Connecticut College кој има напишано книга за ЗФП со него може да видиме работи кои порано беа невидливи за нас.

Доделени се Ig® нобеловите награди за 2008 година - На 2 октомври на Харвард Универзитетот во Масачусец, САД беа доделени Ig® нобеловите награди. Овие награди се доделуваат како пародија на нобеловите награди. На церемонијата на осумнаесеттото доделување наградите им беа доделени на лауреатите од вистински добитници на нобелови награди. Наградите се доделуваат во повеќе категории: исхрана, мир, археологија, биологија, медицина, когнитивни науки, хемија, физика и литература. Посетителите на Hemija.net се најверојатно заинтересирани кои се добитниците на наградата за хемија. Станува збор за Sharee A. Umpierre (University of Puerto Rico), Joseph A. Hill (The Fertility Centers, Канада) и Deborah J. Anderson (Harvard Medical School) за откритието дека Coca-Cola-та претставува спермицид, како и Chuang-Ye Hong, C.C. Shieh, P. Wu, и B.N. Chiang (сите од Тајван), за откритието дека овој пијалок не е спермицид!