Новости

Нова постапка за добивање на биогорива - Биогоривата синтетизирани од шеќери во целулозна биомаса нудат чиста, зелена и обновливи алтернатива за бензинот, дизелот и авионското гориво. Намалувањето на трошоците за производство на овие биогорива на конкурентско ниво со цените на фосилните горива претставува голем предизвик. Американските истражувачи од Joint BioEnergy Institute при Department of Energy на САД, во соработка со биоенергетски истражувачки центар во рамките на Berkeley Lab, направиле уште еден чекор кон исполнувањето на овој предизвик со развојот на нова техника за претходна обработка на целулозната биомаса со јонски течности (соли кои се течни, а не кристали на собна температура). За примена на оваа нова техника не се потребни скапите ензими кои се користат во другите постапки, со неа се олеснува добивањето на горивата и рециклирањето на јонските течности.

Соларни ќелии со дебелина од само еден атом - Меѓународен тим на истражувачи има изградено фотоволтаичен уред со дебелина од само еден атом и со невообичаено висока квантна ефикасност (мерка за претворенбата на фотоните во полнеж) од 30%. Структурата се состои од сендвич на полуспроводнички дихалкогенид на преоден метал и слоеви од графин. Овие резултати го прошируваат опсегот на нови хетероструктури базирани на дв0димензионални атомски кристали и би можело да доведе до развој на нови видови на флексибилни соларни ќелии или фототранзистори.

Минералната прашина игра важна улога во формирањето на облаците - Прашината која влегува во атмосферата од површината на Земјата, игра многу позначајна улога и во формирањето на облаците и во хемија на облаците отколку што претходно се мислеше велат научниците од Massachusetts Institute of Technology во своите резултати. Овие сознанија ќе доведат до модифицирање на постојните модели за формирање на облаците, како и на хемијата на облаците. Ова ќе доведе до подобра проценка за улогата на облаците во климатските промени.

Рекордни коненнтрации на јаглерод диоксидот во атмосферата! - На 9 мај, атмосферата над на Мауна Лоа вулканот на Хаваите забележа нов рекорд! За прв пат од започнувањето на водењето на евиденцијата (од 1958 година), дневната средна концентрација на јаглерод диоксид ја надмина границата од 400 ppm. Инаку, Мауна Лоа Опсерваторијата е во светот најстарата станица на која за континуирано се следи концентрацијата на јаглерод диоксид. Во пролетта на 2012 година на Аљаска, Канада и на неколку други локации на Арктикот беше надмината границата од 400 ppm. Делови од јужната хемисфера се очекува да ја оваа граница во текот на следните неколку години.

Неоргански нанослоеви за поефикасни батерии - Електроден материјал инспириран од графинот кој може да им помогне да се добијат батерии со поголем капацитет е развиен од страна на кинеските научници. Големата површина од кобалт оксидните наноповршини е клучот за нивните електрохемиски перформанси на овој материјал. Батериите се основата на модерниот живот со оглед на тоа што паметни телефони и преносни компјутери користат литиум јонски батерии. Како што напредува технологијата, потрагата за батерии кои можат да се спакувам повеќе енергија во ист простор се движи напред.

Центарот на Земјата е за 1000 степени целзиусови потопол! - Научниците од CNRS во Франција утврдиле дека температурата во близина на центарот на Земјата изнесува 6000 степени целзиусови. Односно дека е за околу 1000 степени потопло отколку што било утврдено во претходните експерименти изведени пред 20 години. Овие мерења го потврдуваат геофизичкиот модел според кој температурна разлика помеѓу цврстото јадро и обвивката над него, мора да биде најмалку 1500 степени за да се објасни зошто Земјата поседува магнетно поле. Новите наоди на научниците им овозможуваат дури и да утврдат зошто претходните експерименти укажувале дека температурата е пониска.

Наносунѓери отстрануваат токсини од крвотокот - Наноинженерите од University of California, San Diego (САД) велат дека создале „наносунѓер“ кој е способен за безбедно отстранување на широка класа на опасни материи од крвотокот – вклучувајќи и отрови произведени од страна на метицилин резистентните стафилококус ауреус (МРСА), отровни змии и пчелите. Во една студија изведена со користење на токсин од МРСА, внесени во лабораториски глувци наносунѓерите овозможиле 89 проценти животните да преживеат летални дози. Резултатите од оваа студија се објавени во Nature Nanotechnology.

Намалувањето на застапеноста на некои полутанти може значително да влијае врз намалување на порастот на морското ниво - Крајбрежните области постепено се подготвуваат за зголемувањето на нивото на морето. Едно новото истражување покажува дека намалување на емисиите на одредени загадувачи во голема мера може да го забави зголемувањето на нивото на морето во текот на овој век. Научниците откриле дека намалувањата на четири загадувачи кој кружат релативно брзо низ атмосферата би можело привремено да ја спречат брзината на пораст на морското ниво за околу 25 до 50 отсто. Истражувањето било фокусираа на емисијата на четири загадувачи кој влијаат врз ефектот на стаклена градина: метан, тропосферски озон, хлорофлуоројаглеводороди и црн јаглерод. Овие гасови и честички опстојуваат во атмосферата од околу една недела до една деценија и да влијае на климатските побрзо отколку јаглеродниот диоксид, кој опстојува во атмосферата со векови.

Разложување на водата кое може да помогне во користењето на водородот како обновлив извор на енергија - Научниците од Велика Британија велат дека го имаат развиено првиот широко употребливи систем за електролиза дели вода и ослободува водород и кислород во одвоени фази. Lee Cronin и Mark Symes од University of Glasgow користеле пуфер од фосфомолибдатен анјон за чување на протоните и електроните генерирани при разложување на водата. Наместо директно производство на водород, како што е вообичаено при електролиза, пуферот овозможува научниците да изберат кога и каде ќе го направат вториот чекот – кога и каде ќе го користат ослободениот водород. Ова би можело да помогне напорите за складирање на обновливите извори на енергија, како што е водород добиен со електролиза на водата.

Нов начин за намалување на концентрацијата на холестеролот во крвта - Научниците од лабораторијата на David Ginsburg од Life Sciences Institute при University of Michigan успеале да го инхибираат дејството на генот одговорен за транспорт на протеинот кој интерферира со способноста на црниот дроб да го отстранува холестеролот од крвта кај глувците. „Заробувањето“ на деструктивните протеини кое не им наштетува на рецепторите одговорни за отстранување на холестеролот не го менуваат капацитетот на на црниот дроб за расчистување на холестерол во плазмата од крвта, ниту пак не на друг начин влијае на здравјето на глувците. Овие наоди би можело во иднина да послужат како основа за развој на нови постапки за намалување на концентрацијата на холестеролот во крвта.

Титан(IV) оксид за поефикасни соларни ќелии базирани на графин - Додавање на слој од графин да силициумските соларни ќелии ја намалуваат цената на уредите. Сепак, графин-силициумовите ќелии ја конвертираат светлината во електрична енергија со мала ефикасност. Комерцијално достапните силициумски соларни ќелии конвертираат околу 15% од светлосната енергија во електрична. Еден тим на научници од Кина успеал, со нанесување на тенок слој од TiO2, да ја зголеми ефикасноста на графин-силициумовите ќелии на околу 14,6%. Инаку, ефикасноста која се смета за границата за комерцијална исплатливост изнесува околу 10%.

Наука за климатските промени: James Hansen ja напушта владата за да се бори против неа! - James Hansen, еден од првите научници кои го предупреди светот на климатските промени на почетокот на април го напушти Goddard Institute for Space Studies каде помина 46 години од неговиот живот поради пензионирање. Тој вели дека пензионерските денови ќе ги минува борејќи се за зголемување на свеста за климатските промени. Тој, исти така, вели дека со оглед на тоа што не работи веќе за владата на САД ќе го искористи времето за борба против неа во интерес на зголемување на свеста за климатските промени – Според американските закони, како на чиновник на американската влада, со сега не му било дозволено да води судски спорови против неа.

Консумирањето на грозје помага во правилнаото функционирање на бубрезите - Кај лицата се прекумерна тежина, акумулацијата на маснотии ја намалува функција на бубрезите. Според Kamel Charradi и соработниците од Универзитетот во Картагена во Тунис, на ваков начин намалената активност на бубрезите може да се ублажи со консумирање на грозје и на екстракти од семето на грозјето кои се богати полифеноли и флавоноиди. Истражувачите откриле дека, со користење на исхрана богата со масти, триглицеридите се акумулираат во бубрежните клетки каде влијаат врз намалување на концентрацијата на бакарни јони. На овој начин, триглицеридите ја намалуваат активноста на ензимите кои користат бакар и на крајот доведуваат до намалување на реналната функција. Полифенолите и флавоноидите може да помогнат во задржувањето на концентрацијата на бакарните јони во нормалните концентрации.

Две милијарди долари за елиминирање на фосилните горива - Неодамна, при посета на Argonne National Laboratory, американскиот претседател Барак Обама најави дека ќе владата на САД ќе инвестира две милијарди долари за (1) зголемување на ефикасноста на возилата, за (2) подобрување на тенологиите за производство на батерии, за (3) користење на биогоривата и (4) за други чисти технологии. Во истата прилика тој најавил дека стимулирањето на иновирањето на ова поле не само што ќе овозможи да се намали емисијата на стакленички гасови, туку и во целост ќе го помогне развојот на економијата на САД.

Детектирани се димери на водата во атмосферата - Димери на водата во атмосферата Водена пареа е трет според застапеност гас во атмосферата на Земјата, а тоа игра клучна улога во радијационата рамнотежа со вселената. Со децении се знае дека постои расчекор помеѓу теоретските модели на радијационата рамнотежа и набљудувања на атмосферски температури. Во потрага по објаснување за постојната разлика научниците од Руската академија на науки нашле експериментални докази дека димери на водата (H2O)2 се одговорни постојната разлика. Според една теорија стара педесетина години доколку концентрацијата на димерите на водата е поголема од 1% од вкупната вода во атмосферата теоретските модели за радијационата рамнотежа би требало да бидат променети.